Sigmo khabar सिग्मो खबर नेपाली अनलाइन खबर नक्कली भुटानी शरणार्थी काण्ड

  Sigmo khabar सिग्मो खबर नेपाली अनलाइन खबर

 नक्कली भुटानी शरणार्थी काण्ड: खुल्दै छ नया नया तथ्य

दुई वर्ष अघि अमेरिका उड्ने प्रलोभनमा ५ लाख रुपैयाँ बुझाएकी दाङकी लक्ष्मी रेग्मी (नाम परिवर्तन) लाई रकम बुझाएको तीन महिना पछि चितवन जान भनियो। चितवन पछि सिधै अमेरिकाको बाटो तय हुने लोभ उनलाई देखाईएको थियो।  

अमेरिका जानका लागि भन्दै एक आफन्त मार्फत ‘दलाल’ को सम्पर्कमा पुगेकी उनले पहिलो पटक २०७७ चैत २३ मा काठमाडौँमा पुगेर ५ लाख रुपैयाँ बुझाएकी थिईन्। त्यो बेला उनलाई एउटा फारम भर्न भन्दै दाङबाट काठमाडौँ बोलाईएको थियो।  

अमेरिका उड्ने भन्दै फाराम भराईएपछि लक्ष्मीलाई भनियो ‘अब तपाईको अमेरिका यात्राको प्रकृया सुरु भयो।’ तर उनलाई नक्कली भुटानी शरणार्थी बनाएर आफूलाई अमेरिका लैजान खोजिएको भन्ने बारेमा भने पत्तो दिइएको थिएन। अमेरिकाको स्थायी नागरिकको परिचय बोकेका तुलसीपुरका गजेन्द्र बुढाथोकीले उनलाई सहजै अमेरिका पुर्याउने मात्रै भनेका थिए। ‘अमेरिकाको ग्रिन कार्ड होल्डर मान्छेले अमरिका लैजाने भनेपछि सजिलै पुगिन्छ होला भनेर जाने निर्णय लिएँ,’ लक्ष्मीले भनिन् ‘तर हामीहरुलाई उनीहरुले कसरी लैजान्छन् भन्ने चाहिँ शुरुमा थाहा थिएन।’

२०७७ असार दोस्रो साता तिर उनलाई अकस्मात चितवन जान भनियो। अमेरिका उड्नका लागि अन्तरवार्ता दिन भन्दै चितवन बोलाईएकी उनी त्यो बेला काठमाडौँमै थिईन्। उनका बिरामी बाबुको उपचारका लागि उनी काठमाडौँमै थिईन्। बिरामी बुवालाई छोडेनर चितवन जान उनको मनले मानेन।  

त्यसमा पनि कोरोनाकालको त्यो बेला कडा लकडाउन थियो। यातायातका साधनहरु ठप्पै थिए। ‘तुरुन्तै अन्तरवार्ताका लागि चितवन जानु पर्यो भनेर फोन आयो,’ उनले भनिन् ‘बिरामी बुवालाई छोडेर कसरी जाने ? अनि त्यसमा पनि लकडाउनका कारण यातायातका साधनहरु चलेका थिएनन्।’ तर अमेरिका उड्ने लोभ देखाईयो,अनि एकै दिनका लागि मात्रै चितवन पुग्नै पर्ने बाध्यता सुनाईयो।  

बिरामी बाबुलाई आफन्तको जिम्मा लगाएर उनी चितवन हिँड्न राजी त भईन्। तर लकडाउनमा चितवन सम्म पुग्ने कसरी ? यो उनका लागि चुनौती थियो। अनि उनलाई फोन गरेका ब्यक्तिले आफूहरुसंगै जान भने। ‘मलाई कसरी चितवन पुग्ने भनेर चिन्ता नगर्न भनियो,’उनले भनिन् ‘आफूहरुसंगै जाँदा बाटोमा कुनै समस्या नहुने भन्दै उनीहरुले ढुक्क रहन आग्रह गरे।’

चितवनका यात्राका लागि तयारीमा रहेकी लक्ष्मीलाई लिन सरकारी गाडी गईपुग्यो। बुझ्दै जाँदा त्यो गाडी गृहन्त्रालयको रहेछ। ‘मलाई लिन गृहमन्त्रालयको गाडी आयो,’ उनले भनिन्

थाहा छैन। ‘मेरो नाम पनि फेरिदिए, अब तपाईको नाम यो भनेर अर्कै नाम भनिदिएका थिए,’ उनले भनिन् ‘त्यो नाम अहिले मैले बिर्सेँ।’ प्रशिक्षणका लागि भन्दै नक्कली शरणार्थी बनाउन चितवन पुयाईएका सबै बाट प्रति ब्यक्ति १०÷१० लाख रुपैयाँ असुल गरे। ‘अब चाँडै अमेरिका उड्ने भैहाल्छ भनेर हामी सबैबाट १०÷१० लाख रुपैयाँ लिएका थिए,’ उनले भनिन्।

काठमाडौँमा सुरुमा ५, त्यसपछि चितवनमा १५ लाख संगै अमेरिका उडाउने उक्त समूहले लक्ष्मी संगै ४५ लाख रुपैयाँ असुल गर्यो। तर लक्ष्मीको अमेरिका उड्ने सपना अधुरै रह्यो। नत आफूले बुझाएको ४५ लाख रुपैयाँ मध्य अहिले सम्म उक्त रुपैयाँनै फिर्ता भएको छ। ‘मेरो ४५ लाख रुपैयाँ मध्य एक रुपैयाँ पनि फिर्ता गरिदिएको छैनन्,’ उनले भनिन् ‘नत अमेरिका पठाए, नत पैसा फिर्ता दिए, ब्याजमा ऋण काढेर बुझाएको पैसा साहुलाई कसरी तिर्ने ? साह्रै गाह्रो भएको छ।’

७७ चैत देखि अमेरिका जान भन्दै झुक्याएको उक्त समूहको आशमा लक्ष्मीले ०७८ चैत सम्म कुरिन्। तर अमेरिका उडाउने भनेर रकम उठाएका गजेन्द्र बुढाथोकी सम्पर्क बिहिन हुँदै गए। ‘गजेन्द्र भन्ने मान्छे बेपत्ता भएपछि हामीहरु ठगियौँ भन्ने लाग्यो,’ तुलसीपुरका रमेश केसी (नाम परिवर्तन) ले भने सुरुमा पैसा पनि दिन्छु त भने, तर पछि त्यो मान्छे सम्पर्कबाट टाढा बन्दै गयो।’ उनीहरुले गजेन्द्र बिरुद्ध गत २०७९ पुसमा किटानी जाहेरी समेत दिएका छन्।