- Get link
- Other Apps
बैशाख २३ ,मे ६ आगामी मे १० मा भारतको करनाटक राज्यमा चुनाव हुदैछ । मे ८ बाट मौन अबधि पनि शुरु हुन्छ तर यो चुनावलाई लिएर भारतमा अत्यधिक चर्चा चुलिएको छ जसका कारण विभिन्न आकलन र अड्कलबाजी सार्वजनिक भैरहेको छन । यो चुनावमा सबैभन्दा चिन्तित कोहि छ भने ती ब्याक्ती हुन भारतीय प्रधानमन्त्री नरेन्द्र मोदी । चिन्ता कारण हो यस चुनावी नतिजाले आगामी २०२४ को लोकसभाको परिणामलाई पार्न सक्ने असर ।त्यसैले अहिले मोदिले यो चुनावलाई अति चासो दिएर चुनावी प्रचार कार्यक्रममा दौडधुप बढाइरहेका छन् । र्याली ,आमसभा र रोडसो लगायतका चुनावी कार्यक्रममा ब्यस्त छ्न ।बिजेपी लाई यो राज्यको चुनावी नतिजा यति महत्त्वपूर्ण हुनुको प्रमुख कारण भनेको २०१९ को नतिजा हो । २०१९ मा बिजेपी लाई यश प्रदेश राम्रो सफलता मिलेको थियोे तर त्यो सफलता बिजेपीले जोगाउनेमा विभिन्न काण्डले शंका उब्जाएको छ र हालको नतिजाले २०२४ को लोकसभा निर्वाचनलाई समेत प्रभाव पार्ने भएकोले बिजेपी थप चिन्तित र भयभित भएर आफ्नो सबै शक्ति लगाएको छ । यो नै मोदिलाइ सबै भन्दा बढी चिन्ताको बिषय बनेको छ । सबै कुरा २०२४ सङ्ग जोडिएकै कारण ३० अप्रिल देखि आज सम्म मोदि १५ वटा आमसभा , घन्टौका रोडसो र र्यालीमा आफै सहभागी बनेका छन ।
अन्तिम दुई दिनको चुनावी कार्यक्रम हेर्ने हो भने त मोदि थप हतास मनस्थितिमा रहेको आकलन गर्ने ठाउ छ किन कि चुनावी प्रचारमा बजरङ्ग दलसँग जोडिएर मोदिले "जय बजरङ्गवली" भन्ने नारा नै लगाएर बजरङ्ग वलिको नाममा समेत भोट मागेको बिषयलाइ बिपक्षीले उठाइरहेका छ्न । यो किन भयो भने तीन दिन अगाडि चुनावी कार्यक्रमकै दौडानमा कङ्ग्रेस आइले साम्प्रदायिक प्रभाव बढिरहेको सामाजिक सद्भाव बिग्रेको र यस्ता कार्य गर्न र तिनलाइ संरक्षण दिने काम बिजेपिले गरेको आरोप लागाउदै आफ्नो पार्टीले चुनाव जितेपछी यस्ता साम्प्रदायिक तत्वहरुलाइ निस्तेज पार्ने भन्दै पि एफ आइ देखि बजरङ्ग सम्मलाइ प्रतिबन्ध लगाउने घोषणा नै गरेको थियो । त्यसैलाइ काउन्टर दिन प्र.म मोदीले बजरङ्गलाइ हतियार बनाएको हुनसक्ने पनि चर्चा हुने गरेको छ । बजरङ्ग दललाई भारतमा विभिन्न ढंगले आरोपित गर्ने गरेको पाइएको छ । गुण्डागर्दी , उत्पात र धार्मिक उन्माद गर्ने दल भनेर यो दल माथी आरोप छ । यस्तो परिस्थितिमा प्रधानमन्त्री स्वयं बजरङ्ग दललाई साथ लिएर जय बजरङ्गवलिको नारा लगाउदै हिड्नुलाइ बिजेपी करनाटकको चुनावी नतिजालाइ लिएर अति चिन्तित रहेको आकलन भारतमा हुन थालेको छ । बिजेपीले बजरङ्ग दललाई बजरङ्ग दल नभएर बजरङ्गवलि कै रुपमा स्विकारेको भन्ने सम्मको आरोप विपक्षिहरुले लगाइरहेका छ्न । यसै बिषयलाइ लिएर कङ्ग्रेस आइ का विभिन्न नेतहरुले प्रधानमन्त्री भएर साम्प्रदायिकता लाई हतियार बनाएर भोट मागेर आचारसंहिताको घोर उलंघन गरेको पनि आरोप लगाएका छन ।
बिजेपिले ,बिजेपी नेताहरूले र स्वयं प्रधानमन्त्री मोदिले अझै दुई दिन बजरङ्गवलिको नारा लगाइरहने छ्न प्रत्येक भाषणमा सोही बिषयलाइ दोहोर्याइरहेर भोट माग्ने छ्न किनकी यो राज्य आफ्नो हातबाट खोसिदैछ भन्ने अनुमान, डर र भय बिजेपिलाइ छ भनेर भारतीय सन्चार माध्यमले छापेका छन र बजाइरहेका छन । कङ्ग्रेस आइ ले प्रेस मिट गरेर नै "करप्सन रेट कार्ड" सार्वजनिक पनि गरेको छ यो बिषय भरत सबै जसो मिडियाले बिज्ञापनकै रूपमा आफ्नो पहिलो पेजमा छपेका छन ।जसमा लेखिएको छ मुख्य मन्त्री बन्न रु २५०० करोड मन्त्री बन्न रु ५०० करोड । त्यसमा मुख्यमन्त्री देखि प्रोफेसर र लेक्चर सम्म्मलाई नियुक्ति खान पैसा बुझाउनु पर्ने उल्लेख छ । यो करप्सनको मेनु कार्डले करनाटकको चुनावलाई कति प्रभाव पार्छ त्यो भने नतिजा पछि नै थाहा होला ।
Comments
Post a Comment