आइसिसी एकदिवसीय विश्वकप २०२३ को उपाधी अस्ट्रेलियालाइ

 भारतीय घरेलु दर्शकलाई स्तब्ध पार्दै घरेलु मैदानमा नै भारतलाई हराएर अस्ट्रेलिया आइसिसी एकदिवसीय विश्वकप २०२३ को विश्व  च्याम्पियन बनेको छ । यो अस्ट्रेलिया  लागि यो छैटौं  उपाधि समेत हो ।

भारतले २४१ रनको लक्ष्य दिएकोमा अष्ट्रेलियाले ४२ बल बाँकी छँदै ४ विकेट गुमाएर लक्ष्य भेटाएको हो । भारतले विराट कोहली र केएल राहुलको अर्धशतक मद्दतमा २४० रन जोेडेको थियो । रोहितको नेतृत्वमा भारतले राम्रो थालनी गरे पनि ठूलो स्कोर कायम गर्न चुक्दा हारको सामना गर्नुपरेको हो ।

निकै लयमा देखिएको भारतीय टिमलाइ उसकै मैदानमा फाइनल खेलमा हराएर  अस्ट्रेलियाले लिग चरणमा हारेको हारको समेत बदला लिएको छ ।  आइतबार अहमदाबादस्थित नरेन्द्र मोदी रंगशालामा भएको फाइनलमा टस जितेर पहिले फिल्डिङ रोजेको अष्ट्रेलियाले भारतलाई ६ विकेटले पराजित गरेको हो । जसमा ट्राभिस हेडको १३७ रन अस्ट्रेलियाको जितका लागि महत्वपूर्ण बन्यो ।भारतको लागि भने तेस्रो पटक उपाधि जित्ने लक्ष्य भने पूरा हुन सकेन । सन् १९८३ मा पहिलो उपाधि जितेको भारत पछिल्लो पटक २०११ मा च्याम्पियन बनेको थियो । विश्वकपको लगातार १० खेलमा जित हात पारेको भारतका लागि फाइनलमा ब्याटिङ कमजोर रह्यो ।